تأليف : سفيان الخضري

هنا والآن ولحد دلوقتي وحتى تلك اللحظة، أقدم لكم حاجة متقلش عظمة عن طلب كبدة ومخ من الشرقاوي الساعة اتنين الفجر، أو تكسير أربع خمس بيضات فوق ربع بسطرمة بتسيح على معلقة سمنة بلدي، أو قرصين طعمية مع رغيفين فينو مدهونين جبنة بالفلفل وطرنشات طماطم، أو فطير من الفرن مع جبنة رومي ولانشون وعسل أسود وطحينة وكيس شيبسي كباب. بصوا هو كتاب، وملوش علاقة بالأكل أو الطبخ، بس هو حرش كده، متعوب فيه ومخدوم. عارف أنت لما الدليفري يجبلك الأكل والبطاطس تبقى سخنة والصوص نايم جنبها متدفي في علبة لوحده عشان تغَطسها فيه براحتك؟ عارف الاحتواء اللي من النوع ده؟ الكتاب ده هيحتويك احتواء من النوع ده، ولله الأمر من قبل ومن بعد.

---